Eolas maidir leis an gComhairle Mhúinteoireachta
Is í An Chomhairle Mhúinteoireachta rialálaí ghairm na múinteoireachta in Éirinn. Is é an ról atá againn ná an pobal a chosaint trí chaighdeáin ghairmiúla sa mhúinteoireacht a chur chun cinn agus a rialú.
Déanaimid é seo trí chlárú reachtúil múinteoirí, ag cinntiú gairm mhúinteoireachta ardcháilithe, a gcomhlíonann agus a gcloíonn a mbaill le hardchaighdeáin inniúlachta gairmiúla agus iompair ghairmiúil.
Tá 37 ball ar an gComhairle.
Tá an Stiúrthóir freagrach as oibríochtaí na Comhairle ó lá go lá. Oibríonn an Stiúrthóir go dlúth le comhaltaí na Comhairle agus tá freagracht iomlán aige as spriocanna straitéiseacha na Comhairle a chur i bhfeidhm. Tacaíonn Foireann Bainistíochta Sinsearaí agus foireann na Comhairle leis an Stiúrthóir.
Coiste Iniúchta & Riosca
Is Coiste de chuid na Comhairle é an Coiste Iniúchta agus Riosca, a bunaíodh de réir an Chóid Chleachtais chun Comhlachtaí Stáit a Rialú, chun tacú leis an gComhairle chun a chinntiú go bhfreastalaítear ar leas is fearr na Comhairle Múinteoireachta. Tá an Chomhairle freagrach as Coiste Iniúchta agus Riosca a bhfuil cúigear ball ar a laghad páirteach ann a bhunú. Cuireann an Coiste a chuid oibre i gcrích faoi Théarmaí Tagartha scríofa, ina sainítear go soiléir a ról, sainchúram agus raon freagrachtaí de réir cheanglais an Chóid.
Feidhmíonn an Coiste Iniúchta agus Riosca ar mhaithe le leas na Comhairle Mhúinteoireachta agus a páirtithe leasmhara. Tacaíonn sé leis an mBord trí mhaoirseacht a dhéanamh agus dearbhú a sholáthar maidir le córais éifeachtacha de rialachas, bainistíocht riosca, rialú inmheánach agus bainistíocht airgeadais atá i bhfeidhm agus ag oibriú go héifeachtach. Cuireann sé sin ar chumas na Comhairle Múinteoireachta a cuid oibre a chur i gcrích ar bhealach ordúil, éifeachtúil agus ar bhealach a chinntíonn luach ar airgead.
D’fhéadfadh baill sheachtracha a bheith páirteach sa Choiste nach baill den Chomhairle iad, más cuí, chun a chinntiú gur féidir leis tairbhe a bhaint as sainscileanna, saineolas agus taithí neamhspleách nuair a bhíonn sé i mbun machnaimh.
Freagrachtaí a bhaineann le ról mar bhall den Choiste Iniúchta, Riosca agus Rialachais
- Monatóireacht agus athbhreithniú a dhéanamh ar éifeachtacht na gcóras rialaithe inmheánaigh, iniúchta inmheánaigh agus sheachtraigh, agus socruithe bainistíochta riosca
- A chinntiú go bhfuil córais, rialuithe airgeadais agus nósanna imeachta éifeachtacha i bhfeidhm agus ag feidhmiú, le cur ar chumas na Comhairle Mhúinteoireachta feidhmiú ar bhealach ordúil, éifeachtach agus ar bhealach a chinntíonn luach ar airgead
- Maoirseacht a dhéanamh ar phleanáil, raon agus torthaí na gníomhaíochta iniúchta inmheánaigh agus sheachtraigh, agus a chinntiú go bhfuil cláir iniúchta oiriúnacha i bhfeidhm.
- A chinntiú go soláthraíonn an fhoireann bainistíochta freagraí tráthúla agus oiriúnacha ar cheisteanna agus ar mholtaí a eascraíonn as gníomhaíocht iniúchta, lena n-áirítear ceisteanna ar tarraingíodh aird orthu i litir uiríll an iniúchóra sheachtraigh.
- Athbhreithniú a dhéanamh ar Bheartais Rialachais Chorparáidigh na Comhairle Múinteoireachta nuair a bhíonn a leithéid i gceist.
Réimsí speisialta scileanna, eolais agus taithí
Forálann comhdhéanamh na gCoistí Iniúchta agus Riosca do bheirt bhall sheachtracha a cheapadh ar bhonn inniúlachta. Tá An Chomhairle Mhúinteoireachta ag lorg ball seachtrach a bhfuil ceann amháin nó níos mó de na réimsí saineolais seo a leanas acu:
- Saineolas airgeadais léirithe, lena n-áirítear tuiscint mhaith ar, agus taithí ag leibhéal sinsearach cuí, ar bhainistíocht airgeadais, tuairisciú airgeadais, próisis bhainistíochta riosca, agus ceanglais rialachais agus chuntasaíochta in earnáil phoiblí nó i dtimpeallacht rialaithe.
nó
- Taithí agus saineolas léirithe ar TFC, cibearshlándáil agus/nó teicneolaíochtaí nua (intleacht shaorga san áireamh), agus an cumas chun maoirseacht agus dúshlán feasach a chur ar fáil i ndáil le riosca digiteach, claochlú digiteach, slándáil faisnéise, cosaint sonraí agus rialachas teicneolaíochta laistigh d’earnáil phoiblí nó timpeallacht rialaithe.
nó
- Saineolas bainistíochta riosca, lena n-áirítear taithí léirithe ar chreataí bainistíochta riosca na hearnála poiblí, inghlacthacht riosca a shocrú agus a athbhreithniú agus maoirseacht a dhéanamh ar aithint rioscaí, measúnú, maolú agus tuairisciú in eagraíochtaí rialaithe nó earnála poiblí. Ba cheart go mbeadh baill in ann maoirseacht agus dúshlán éifeachtach a sholáthar i ndáil le príomhrioscaí straitéiseacha, oibriúcháin, airgeadais agus comhlíonta.
nó
- Cur le saineolas athnuachana agus bainistíochta tionscadail caipitil, le taithí léirithe ar mhaoirseacht a dhéanamh ar chláir mhóra réadmhaoine, athchóirithe nó oibreacha caipitil. Ba cheart go mbeadh eolas ar rialachas tionscadail, rialacháin chomhlíonta a fhorbairt, rialú costas, amlínte, bainistíocht riosca agus socruithe dearbhaithe san áireamh anseo, laistigh de thimpeallacht earnála poiblí go hidéalach. Ghlacfaí le taithí ar sholáthar, bainistíocht conarthaí, sláinte agus sábháilteacht, agus measúnú luach ar airgead mar bhuntáiste.
Critéir riachtanacha
Ní mór go mbeifeá in ann fianaise ar an méid seo a leanas a chur ar fáil:
- Tuiscint shoiléir ar an tábhacht le seasamh le leas an phobail i rialáil ardchaighdeáin, éifeachtúil, chomhsheasmhach agus chothrom.
- Teist cruthaithe maidir le breithiúnas, cinnteoireacht, tionscnamh agus machnamh anailíseach éifeachtach.
- Cumas cruthaithe chun rannchuidiú le cinnteoireacht oibiachtúil trí bhreithiúnas fónta a chleachtadh.
- Taithí ar cheannaireacht éifeachtach le leibhéal ardionracais.
- Scileanna maithe cumarsáide ó bhéal agus scríofa agus scileanna idirphearsanta, le cumas cumarsáid a dhéanamh go gairmiúil agus príomhchaidrimh a thógáil le raon páirtithe leasmhara san áireamh.
- Scileanna smaointeoireachta criticiúla le cumas cruthaithe chun sonraí raon leathan ceisteanna a thuiscint.
Inmhianaithe
- Taithí nó eolas léirithe ar Choiste eile cosúil leis.
Tiomantas ama
Meastar go mbeidh an tiomantas ama idir ceithre agus sé chruinniú, dhá uair an chloig in aghaidh na bliana, agus am breise ag teastáil le haghaidh ullmhúcháin/léitheoireachta.
Traenáil
Má éiríonn leat a bheith ceaptha ar an gCoiste, cuirfear traenáil ionduchtaithe ar fáil.
Táille agus costais
NÍL aon táille as freastal ar chruinnithe Coiste. Is féidir costais Taistil agus Cothabhála a éileamh tríd an Rannóg Airgeadais le haghaidh costais tabhaithe as taisteal chuig cruinnithe.
Iarratais
Más mian leat iarratas a dhéanamh ar an ról mar bhall den Choiste Iniúchta agus Riosca, seol litir chumhdaigh agus CV iomlán chuig corporateaffairs@teachingcouncil.ie faoi 3in Dé Luain, an 7 Meán Fómhair 2026.