Foilsithe
Tá áthas ar an gComhairle Mhúinteoireachta a fhógairt gur toghadh Claire Ní Mharcaigh mar Chathaoirleach ag comhaltaí na Comhairle; Leanfaidh Mary Curley, a toghadh mar Leas-Chathaoirleach i 2024, ina ról go dtí 2028.
Is múinteoir iar-bhunscoile Gaeilge agus Tíreolaíochta í Claire i gColáiste Pobail Theach na Giúise, Baile Átha Cliath 24. Tá taithí fhairsing aici ar mhúinteoireacht, rialachas corparáideach agus rialáil, tar éis di a bheith ina comhalta den Chomhairle Mhúinteoireachta le hocht mbliana thar trí thréimhse éagsúil. Ina taithí is déanaí, bhí Claire ina Cathaoirleach ar an gCoiste Oideachais agus mar chomhalta den Choiste Feidhmiúcháin, ag glacadh páirte i bhfeidhm reachtúil na Comhairle maidir le caighdeáin ghairmiúla sa mhúinteoireacht a chur chun cinn agus a rialáil.
Trína cuid oibre ar an gComhairle, bíonn dlúthbhaint ag Claire le forbairt agus athbhreithniú beartais, agus le cinnteoireacht i bpríomhréimsí d’obair rialála na Comhairle lena n-áirítear creidiúnú cláir agus athbhreithniú Droichead.
Ag trácht ar a toghchán, dúirt Claire Ní Mharcaigh:
“Is mór an onóir dom a bheith tofa mar Chathaoirleach ar an gComhairle Mhúinteoireachta. Ba mhaith liom buíochas a ghabháil leis an gCathaoirleach atá ag dul as oifig, Eamon Dennehy, as a cheannaireacht, a thiomantas agus a sheirbhís don Chomhairle le linn a thréimhse oifige.
Tá ról lárnach ag an múinteoireacht sa tsochaí, agus tá freagracht thábhachtach ar an gComhairle Mhúinteoireachta leas an phobail a chosaint trí ardchaighdeáin ghairmiúla a chur chun cinn agus a rialáil. Táim ag tnúth le bheith ag obair le comhaltaí na Comhairle, leis an Stiúrthóir Gníomhach agus leis an bhfoireann chun a chinntiú go leanfaidh an Chomhairle dá ról reachtúil a chomhlíonadh ar bhealach cóir, cothrom agus éifeachtach.’
Ghabh Claire buíochas freisin le comhaltaí den Chomhairle Mhúinteoireachta a bhí ag dul as oifig as a rannpháirtíocht agus a seirbhís agus chuir sí fáilte roimh comhaltaí nuacheaptha agus iad ag glacadh lena róil. Thug sí dá haire a thábhachtaí atá saineolas agus dearcthaí comhchoiteanna chomhaltaí na Comhairle chun tacú le hobair na Comhairle maidir le caighdeáin ghairmiúla a chur chun cinn agus a rialáil ar mhaithe le leas an phobail.
Tugann Mary Curley, atá fós ina Leas-Chathaoirleach, 35 bliain de thaithí mar mhúinteoir bunscoile agus mar phríomhoide teagaisc i gCo. an an Chláir léi. Tá sí ina comhalta den Chomhairle ó 2020 i leith, agus bhí sí ag fónamh ar an gCoiste Imscrúdaithe, ar an gCoiste Clárúcháin agus ar an nGrúpa Athbhreithnithe Clárúcháin.
Aithníonn an Chomhairle Mhúinteoireachta freisin ceannaireacht leanúnach Phil Fox, atá ag feidhmiú mar Stiúrthóir Gníomhach, agus gabhann sí buíochas léi féin agus le foireann uile na Comhairle as a ngairmiúlacht leanúnach agus as a dtiomantas d’obair na Comhairle.
Cuireann an Chomhairle Mhúinteoireachta a dea-mhéin in iúl do Claire Ní Mharcaigh, do Mary Curley agus do chomhaltaí uile na Comhairle agus iad ag leanúint dá gcuid oibre tábhachtaí chun caighdeáin ghairmiúla sa mhúinteoireacht a chur chun cinn agus a rialáil.
Nótaí
Is í an Chomhairle Mhúinteoireachta an rialálaí ar ghairm na múinteoireachta in Éirinn. Is é an ról atá againn na an pobal a chosaint trí chaighdeáin ghairmiúla sa mhúinteoireacht a chur chun cinn agus a rialú. Déantar é seo trí chlárú reachtúil múinteoirí, a chinntíonn gairm mhúinteoireachta ardcháilithe, a gcomhlíonann a ball caighdeáin arda inniúlachta agus iompair ghairmiúil.
Tá 37 gcomhalta ag an gComhairle Mhúinteoireachta lena n-áirítear 22 comhalta den ghairm (bunscoil agus iar-bhunscoil), agus daoine eile lena n-áirítear ainmnithe ó na hInstitiúidí Ardoideachais, ceardchumainn múinteoirí, bainistíocht scoile, Comhairle Náisiúnta na dTuismitheoirí, IBEC agus ICTU, chomh maith le ceapaithe Aireachta. Is féidir ballraíocht reatha na Comhairle (lena n-áirítear ceapaithe nua) a fheiceáil ar ár suíomh gréasáin.
Chomhaltaí nua den Chomhairle, a ceapadh an 4 Aibreán 2026
An tOll. Catherine Furlong – Ainmní – Ollscoil Chathair Bhaile Átha Cliath
Clodagh Kelly – Ainmní – BOOÉ – Iar-bhunscoil
Edel Polly – Ainmní – INTO
An Dr. Fiona Crowe – Ainmní – Ollscoil Teicneolaíochta an Atlantaigh
Hugh Murphy – Ainmní – TUI
Maeve McCarthy – Ainmní – Educate Together
An Dr. Mary Kelly – Ainmní – Hibernia College
Pádraig Curley – Ainmní – ASTI
Rene O’Malley – Ainmní – National Parents’ Council – Iar-bhunscoil
An tOll. Tony Hall – Ainmní – Ollscoil na Gaillimhe
Comhaltaí na Comhairle athainmnithe ag a gcomhlachtaí faoi seach agus athcheaptha ar 4 Aibreán 2026
Áine Lynch – Ainmní – National Parents’ Council – Bunscoil
Anne Loughnane – Ainmní – ASTI
Bryan O’Reilly – Ainmní – CPMSA
David O’Sullivan – Ainmní – INTO
Fergal McCarthy – Ainmní – ACCS – Iarbhunscoil
Jean Beswick Duignan – Ainmní – TUI