Bronnadh €2,000 ar Scoil Náisiúnta Ag Foghlaim le Chéile Abhainn na Baoi, Carraig Uí Leighin, chun comhoibriú le Scoil Náisiúnta Ag Foghlaim le Chéile Charraig Uí Leighin agus Scoil Náisiúnta Ag Foghlaim le Chéile Dhúglais Bhaile an Róistigh chun an teagasc agus an fhoghlaim chuimsitheach a neartú trí thionscadal Piarbhreathnóireachta ar son na Cuimsitheachta. Bhí múinteoirí páirteach i gclár struchtúrtha piarbhreathnóireachta, machnaimh agus comhoibrithe.
Trí chuairteanna scoile, machnamh comhroinnte agus comhoibriú, dhoimhnigh múinteoirí a dtuiscint ar oideolaíocht chuimsitheach. Bhí sé mar aidhm ag an tionscadal pobal foghlama gairmiúil inbhuanaithe, acmhainn dhigiteach chomhroinnte “Cuimsiú i mBun Gnímh”, agus muinín fheabhsaithe múinteoirí i gcleachtas cuimsitheach a thógáil ar fud na dtrí scoil.
Machnamh na scoile
Féilte. Leis an deis a bheith againn breathnú ar mhúinteoirí in dhá bhunscoil éagsúla, bhíomar in ann céim lasmuigh dár seomraí ranga féin a ghlacadh agus raon stíleanna teagaisc, timpeallachtaí ranga agus cuir chuige i leith na foghlama a fheiceáil. Ba mhór an spreagadh é a fheiceáil ar an gcaoi ar chothaigh múinteoirí éagsúla rannpháirtíocht, ar fhorbair siad caidrimh dhearfacha agus ar chuir siad a gcuid ceachtanna in oiriúint do riachtanais na ndaltaí.
Thug an taithí seo neart smaointe praiticiúla dúinn chomh maith a d’fhéadfaimis a chur i bhfeidhm inár seomraí ranga féin, idir acmhainní nua, straitéisí teagaisc agus bhealaí éagsúla chun gníomhaíochtaí foghlama a eagrú. Thar aon ní eile, chuir sé i gcuimhne dom an chruthaitheacht atá lárnach sa teagasc. Tar éis roinnt blianta sa ghairm, is éasca cloí leis na gnáthnósanna céanna nó teagasc a dhéanamh ar bhealaí a léiríonn na cleachtais atá seanbhunaithe i do scoil féin. Trí bhreathnú ar chomhghleacaithe, tugadh deis dom na nósanna sin a cheistiú, machnamh a dhéanamh ar mo chleachtas féin agus a aithint go bhfuil go leor bealaí éifeachtacha ann chun eispéiris foghlama fhiúntacha a chruthú do dhaltaí.
Bhí tionchar dearfach ag an tionscadal ar mhúinteoirí agus ar dhaltaí araon. Chuir sé idirphlé gairmiúil, machnamh agus comhoibriú chun cinn i measc na foirne, agus chuir na smaointe agus na cuir chuige nua 999each sa seomra ranga le rannpháirtíocht na ndaltaí agus le cáilíocht a n-eispéireas foghlama. Ar an iomlán, dhearbhaigh an taithí seo dom an tábhacht a bhaineann leis an bhfoghlaim ghairmiúil leanúnach agus leis an bhfoghlaim a thagann as comhoibriú le gairmithe eile.
